Циклы Авторы Сортировка

4 дәріс. Бірінші үлкен белгі. Имам әл-Махди: Имам әл-Махдидің есімі мен сипатталуы

6 775
17 марта, 16
Уақыттың соңында әһлү әл-бейттен бір адам пайда болады, ол оғынға дейін әділетсіздік пен өтірікке батқан әлемді әділдік пен адалдыққа толтырады.
 
Бұл тарауды әсіресе қазіргі кезде оқып-білу маңызды, өйткені ұдайы имам әл-Махдидің шығуы туралы бітпейтін әңгімелер айтылуда, әртүрлі сыбыстар мен ойдан шығарылғандарға алданып қалмас үшін,  Әһлү Сүннет үәл-Жамағаттың сенімді дереккөздерінде имам әл-Махди туралы не айтылғаны жөнінде білу қажет.  
 
Бұл адам жеті жыл билік етеді және оның билік жүргізген уақытында Алла Тағала адамдарға береке мен көптеген мейірімділіктер сыйлайды: жер құнарлы болады, жаңбыр мол болады, ал байлықтың көп болатындығы сонша, адамдар оны қайда жұмсарларын білмейтін болады.
 
Ибн Касир былай айтқан:
 
«Оның кезінде жемістер көп болады, өнім мол болады, ақша өте көп болады, билеуші мықты болады, дін жеңіп, дұшпан жеңіледі, ал сол күндері игілік толассыз болады»[1].
 
Осы кезеңнің алдында, мұсылмандардың көптігіне қарамастан, олар жеңіліске ұшырап, талқандалады: мұсылмандардың саны оларға жауды жеңуге не күш, не жеңіс бермеген уақыт болады. 
 
Имам әл-Махдидің есімі мен сипатталуы
 
Оның есімі Алла Елшісінің, оған Алланың игілігі мен сәлемі болсын, есімі сияқты, ал әкесінің есімі Алла Елшісінің, оған Алланың игілігі мен сәлемі болсын, әкесінің есімі сияқты болады, яғни оның есімі Мұхаммед немесе Ахмад ибн Абдулла болады.
 
Және де ол Фатиманың, оған Алла разы болсын, ұлдарының, дәлірегінде — Хасанның, оған Алланың сәлемі болсын, ұрпағынан болады.
 
Ибн Касир былай айтқан: «Оның есімі – Мұхаммед ибн Абдулла әл-Әли әл-Фатима әл-Хасан, оған Алла разы болсын»[2].
 
Ал оның келбетіне келер болсақ, оның маңдайы кең және жіңішке ұзын мұрнының ортасында дөңесі болады деп келтірілген[3].
 
[1] Ан-Нихая, 1/31.
 
[2] Ан-Нихая, 1/29.
 
[3] Сонда.

 

 

АВТОР ЦИКЛА
Қиямет күнінің Үлкен белгілері
Әбу Әли әл-Ашғари әл-Ханафи
Автор:
ӘБУ ӘЛИ ӘЛ-АШҒАРИ ӘЛ-ХАНАФИ
Урок вышел:
Новый урок:
Список уроков