Циклы Авторы Сортировка

56 дәріс. Қырық жетінші кіші белгі. Евфрат суының ашылуы

3 339
28 января, 16
Әбу Хурайра, оған Алла разы болсын, Алла Елшісінің, оған Алланың игілігі мен сәлемі болсын, былай айтқанын жеткізген: «Евфраттың суы айырылып және де сол жерден алтын тау көрінбейінше, Қиямет күні болмайды. Адамдар сол үшін шайқасатын  болады және әрбір жүз адамнан тоқсан тоғыз адам қаза табады. Және де олардың әрқайсысы былай айтады: «Мүмкін, нақ мен аман қалатын шығармын»» (Бұхари).
 
 
 
Кейбір замандастарымыз алтын тауы деп мұнайдың айтылуы мүмкін деп көрсеткен, өйткені ол алтыннан да қымбат болып кетті және де оны қазіргі кезде жиі «қара алтын» деп айтады.

Бұл түсіндірме, дұрысында, келесі себептер бойынша қате:

1) Хадисте «алтын тауы» деп анық көрсетілген, ал Құран мен Сүннеттің мәтіндерін сөзбе-сөз түсіну қажет, тек әлдебір себептерге байланысты дәлме-дәл түсіну мүмкін болмаған жағдайларды есептемегенде. 

2) Хадисте Евфраттың суы айырылып, алтын тауы көрінетін болады деп көрсетілген, ал мұнайды бұрғылау арқылы шығарады.

3) Пайғамбарымыз, оған Алланың игілігі мен сәлемі болсын, хадисте нақ Евфрат өзенін көрсеткен, ал мұнайды жердің әр жерінен табады.

4) Алла Елшісі, оған Алланың игілігі мен сәлемі болсын, осы алтын тауының маңайында өтетін ұлы шайқасты көрсеткен. Бірақ, дегенмен, әлемде ресурстар мен мұнай кен орындары үшін шиеленіскен шайқас жүріп жатқанда, баяндалған мұнай үшін болатын Евфрат төңірегіндегі шайқас болмаған.

5) Алла Елшісі, оған Алланың игілігі мен сәлемі болсын, бұл хадистің басқа нұсқасында былай айтқан: «Евфраттың суы айырылуы мүмкін – және сол жерде алтын тауы болады. Кімде-кім оған іліксе, онда ол жерден ештеме алмасын» (Мүслім), – бұл алтыннан алуға болмайды дегенді білдіреді, бірақ мұнайды шығаруға және сатуға болады дегенге талас жоқ.

Ибн Хаджар, рахимахулла,  «әл-Фатхта» көрсеткендей, тыйым салуының себебі сол алтын үшін болатын бүлік пен жаппай адам өлтіруге байланысты.
АВТОР ЦИКЛА
Қиямет күнінің белгілері
Әбу Әли әл-Ашғари әл-Ханафи
Автор:
ӘБУ ӘЛИ ӘЛ-АШҒАРИ ӘЛ-ХАНАФИ
Список уроков