Әбу Әли әл-Ашғари: Имам әт-Тирмизидің «Әш-Шамаиль әл-Мухаммадийя» кітабына түсіндірме, 44 сабақ

1 666

10 ноября, 15

Әбу Әли әл-Ашғари: Имам әт-Тирмизидің «Әш-Шамаиль әл-Мухаммадийя» кітабына түсіндірме, 43 сабақ

Елуінші хадис

حدثنا أحمد بن منيع. حدثنا محمد بن يزيد عن محمد بن إسحاق عن محمد بن: المنكدر عن جابر هو ابن عبد الله قال

"قال رسول الله (صلى الله عليه وسلم) عليكم بالإثمد عند النوم فإنه يجلو البصر وينبت الشعر".

Бізге Ахмад ибн Муни, оған Мухаммад ибн Язид[1], Мухаммад ибн Исхақтан[2], Мухаммад ибн әл-Мункадирден[3], Джәбирдің (ол ─ Ибн Абдуллаһ) былай дегенін хабарлаған: «Алла Елшісі, оған Алланың игілігі мен сәлемі болсын, былай деді: «Жатар алдында сүрме жағыңдар: шынында, бұл көздің көруін және [қастың] өсуін жақсартады».

Бұл жағдайдағы әмір міндеттілік емес, абзалдылықты көрсетеді.

Елу бірінші хадис

حدثنا قتيبة بن سعيد قال: حدثنا بشر بن المفضل عن عبد الله بن عثمان بن خيثم عن :سعيد بن جبير عن ابن عباس قال

"قال رسول الله (صلى الله عليه وسلم) إن خير أكحالكم الإثمد، يجلو البصر وينبت الشعر".

Бізге Қутейба ибн Сәид, оған Бишр ибн әл-Муфәдаль[4], Абдуллаһ ибн Усман ибн Хайсәмнан[5], Сәид ибн Джубейрдан[6], Ибн Аббастың былай дегенін хабарлаған: «Алла Елшісі, оған Алланың игілігі мен сәлемі болсын, былай деді: «Көзді бояуға ең абзал нәрсе –сүрме. Расында, бұл көздің көруін және [кірпіктің] өсуін жақсартады»».

Елу екінші хадис

حدثنا إبراهيم بن المستمر البصري. حدثنا أبو عاصم عن عثمان بن عبد الملك عن :سالم عن ابن عمر قال

"قال رسول الله (صلى الله عليه وسلم) عليكم بالإثمد فإنه يجلو البصر وينبت الشعر".

Бізге Ибраһим ибн әл-Мустәмир әл-Бәсри[7], оған Әбу Әсым, Усман ибн Әбдул-Мәліктен[8], Сәлимнен[9], Ибн Омардан хабарлаған: «Алла Елшісі, оған Алланың игілігі мен сәлемі болсын, былай деді: «Көздеріңді сүрмемен бояңдар, өйткені, бұл көздің көруін және [кірпіктің] өсуін жақсартады»».

Имам әт-Тирмизидің бірдей дерлік бірнеше хадисті келтірген себебі: Ибәд ибн Мәнсур– әлсіз жеткізуші, сондықтан, имам әт-Тирмизи оның риуаяттарының сенімділігін растау үшін және жарамдылығын күшейту мақсатында бірдей дерлік көптеген хадистерді келтірген. Ол мұнысымен бірнеше әлсіз хадис бар болса, олардың ортақ мағынасының сенімді болуы мүмкін екендігін көрсеткен. Әрине, хадистердегі әлсіздік тіпті көптеген риуаяттар да жоя алмайтындай дәрежеде болмауы тиіс.

[1] Тақуа кісілердің бірі. Оны әбдалдардың қатарына жатқызады.

[2] Сираның әйгілі авторы және мәғази. Оның сенімді-сенімсіздігіне қатысты пікірталас көп.

[3] Ұлы тәбиғиндердің бірі. Әбу Хурейра мен Аишадан риуаят еткен хадистерімен белгілі. Одан Мәлік, екі Суфьянда және басқалар риуаят еткен.

[4] Ұлы имам және ізгі жан. Әли ибн әл-Мәдини оның күн сайын 400 рәкағат мұстахап намаз оқығанын айтады.

[5] Меккеден шыққан танымал Құран қариі. Одан риуаят етілген хадистер Бұхаридің жинағынан басқа жинақтардың бәрінде кездеседі. Имам Бұхари одан таалиқаттарда ғана хадис келтіреді.

[6] Аса ұлы тәбиғиндердің бірі. Кейбіреулер оны ең ұлы тәбиғин дейді. Ірі ғұлама және аскет болған. Оны әл-Хаджәд ибн Юсуф өлтірген. Басы шабылғанда да (басы) зікір айтуын тоқтатпаған деседі. Әл-Хаджәд ибн Юсуф, Сәид ибн Джубейрді өлтіргеннен кейін небәрі он бес күн өмір сүрген. Себебі, Сәид ибн Джубейр оған қарсы: «Я, Алла, менен кейін оның ешкімге үстемдік етуіне жол бере көрме» деген дұға жасаған.

[7] Одан риуаят етілген хадистер төрт «Сунанда» кездеседі.

[8] Әбу Хатимол туралы былай деген: «Мункәр әл-хадис».

[9] Сәлим ибн Абдуллаһ ибн Омар ибн әл-Хаттаб. Ең ұлы тәбиғиндердің және жеті фақиһтің бірі.

Жалғасы бар ин ша Алла..

Әбу Әли әл-Әшғари, хафизахулла

_____________________________

Орыс тілінен аударған Azan.kz

P.S. Сайтымызда жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Azan.kz сайтында жарияланған кез келген ақпараттарды көшіріп алып, өзге желілерге таратушылардан және басқа сайттарға жариялаушылардан міндетті түрде Azan.kz сайтына сілтеме қоюларыңызды сұраймыз.

Өзге адамның еңбегіне құрметпен және аманат ретінде қарауды ең алдымен мұсылман бауырларымыздан сұраймыз.

Түсіністік танытқандарыңыз үшін алғыс білдіреміз