Әбу Әли әл-Ашғари: Имам әт-Тирмизидің «Әш-Шамаиль әл-Мухаммадийя» кітабына түсіндірме, 62 сабақ

1 173

22 января, 16

Әбу Әли әл-Ашғари: Имам әт-Тирмизидің «Әш-Шамаиль әл-Мухаммадийя» кітабына түсіндірме, 61 сабақ

باب ما جاء في أن النبي كان

يختتم في يمينه

وفيه (9) أحاديث

Пайғамбардың, оған Алланың игілігі мен сәлемі болсын, жүзігін оң қолына таққаны жайлы тарау. Бұл тарауда тоғыз хадис бар.

Тоқсаныншы хадис

:حدثنا محمد بن سهيل بن عسكر البغدادي وعبد الله بن عبد الرحمن قالا أخبرنا يحيى بن حسان. حدثنا سليمان بن بلال عن شريك بن عبد الله بن أبي نمر عن إبراهيم بن عبد الله بن حنين عن أبيه عن علي بن أبي طالب

."أن النبي (صلى الله عليه وسلم) كان يلبس خاتمه في يمينه"

.حدثنا محمد بن يحيى حدثنا أحمد بن صالح حدثنا عبد الله بن وهب عن سليمان بن بلال عن شريك بن عبد الله بن أبي نمر نحوه

Бізге Мухаммад ибн Суһәйл ибн Әскәр әл-Бағдадимен Абдуллаһ ибн Әбдур-Рахман, Яхья ибн Хәссәннан[1], Сулейман ибн Биләлдан[2], Шәрик ибн Абдуллаһ ибн Әби Нәмирадан[3],Ибраһим ибн Абдуллаһ ибн Хунәйннан, оның әкесінен[4], Әли ибн Әбу Тәліптен хабарлаған: «Пайғамбар, оған Алланың игілігі мен сәлемі болсын, жүзігін оң қолына тағатын».

Бізге Мухаммад ибн Яхья, Ахмад ибн Салихтан[5], Абдуллаһ ибн Уәһбтан, Сулейман ибн Биләлдан, Шәрик ибн Абдуллаһ ибн Әби Нәмирадан дәл соны хабарлаған.

Жүзік тағуда тектілік (бекзаттық) бар, сол себепті, оны оң қолға таққан абзал болады.

Имам әл-Бәйджури[6], рахимахуллаһ, Алла Елшісінің, оған Алланың игілігі мен сәлемі болсын, сол қолына да жүзік таққаны жайлы риуаяттар бар екенін, бірақ, имам әл-Бұхаридің жүзікті оң қолға тағу жайлы риуаятты құп көргенін жеткізген.

Имам әл-Бәйджури[7]шындығында бұл риуаяттардың арасында қайшылық жоқ екенін айтады. Өйткені, Алла Елшісінің, оған Алланың игілігі мен сәлемі болсын, екі жүзігі болғандығы ықтимал, ол соларды бір уақытта екі қолына немесе әр қолына кезектестіріп таққан болуы мүмкін. Сондықтан, жүзікті сол қолға тағу мәкрух емес.

Кейбіреулер жүзік тағу рафидиттердің белгісіне айналғандығын тілге тиек етеді. Бірақ, имам әл-Бәйджури айтып кеткендей[8], олай деуге негіз жоқ.

Тоқсан бірінші хадис

حدثنا أحمد بن منيع. حدثنا يزيد بن هارون عن حماد بن سلمة قال رأيت ابن أبي رافع يتختم في يمينه، فسألته عن ذلك فقال رأيت عبد الله بن جعفر يتختم في يمينه، وقال عبد الله بن جعفر:

"كان رسول الله (صلى الله عليه وسلم) يتختم في يمينه".

Бізге Ахмад ибн Мәни,Язид ибн Хәруннан, Хәммәд ибн Сәләмнан хабарлаған: «Мен Ибн Әбу Рафиидің[9] жүзікті оң қолына тағып жүргенін көрдім де, одан сол жайлы сұрадым. Сонда ол былай деді: «Мен Абдуллаһ ибн Джәфәрдың[10]жүзікті оң қолына тағып жүргенін көрдім. Абдуллаһ ибн Джәфәр былай деді: «Алла Елшісі, оған Алланың игілігі мен сәлемі болсын, жүзікті оң қолына тағатын еді»»».

Бұл хадисте Алла Елшісінің, оған Алланың игілігі мен сәлемі болсын, жүзікті дәл қай саусағына таққаны нақты айтылмаған. Бірақ, Бұхари мен Муслимде оның жүзікті кішкентай саусағына (шынашағына) таққандығы баяндалады, сол себепті, жүзікті кішкентай саусаққа тағу сүннет болып табылады.

[1] Имам. Одан риуаят етілген хадистер Ибн Мәджәның жинағынан басқа жинақтардың бәрінде кездеседі.

[2] Ұлы имам. Одан риуаят етілген хадистер алты жинақтың алтауында да кездеседі.

[3] «Ибн Әби Нәмира» деп нақтылап айтылғандығы оның Шәрик ибн Абдуллаһ әл-Қады емес екенін білдіреді. Біздің бұл жеткізушімізге қатысты келіспеушіліктер бар. Әбу Дәуд оны мықты деп таныса, ән-Нәсәи – әлсіз деп тапқан.

[4] Абдуллаһ ибн Хунәйн.

[5] Ахмад ибн Салихәл-Мисри.Хафиз. Кейбіреулер оны сынға алған. Бірақ, одан риуаят етілген хадистер әл-Бұхари мен Әбу Дәудта кездеседі.

[6] Әл-Мәуәһиб, 208-бет.

[7] Сол жерде.

[8] Сол жерде.

[9] Әбдур-Рахман ибн ӘбуРафи. Одан риуаят етілген хадистер төрт «Сунанда» кездеседі.

[10] Әкесі сияқты, ол да сахаба. Ол –мұсылмандардың һижра кезінде Эфиопияда туылған алғашқы сәбиі.

Жалғасы бар ин ша Алла..

Әбу Әли әл-Әшғари, хафизахулла

_____________________________

Орыс тілінен аударған Azan.kz

P.S. Сайтымызда жарияланған мақалалар мен шет елдік сайттардан алынған аудармалардың авторлық құқығы Azan.kz сайтына тиесілі.

Azan.kz сайтында жарияланған кез келген ақпараттарды көшіріп алып, өзге желілерге таратушылардан және басқа сайттарға жариялаушылардан міндетті түрде Azan.kz сайтына сілтеме қоюларыңызды сұраймыз.

Өзге адамның еңбегіне құрметпен және аманат ретінде қарауды ең алдымен мұсылман бауырларымыздан сұраймыз.

Түсіністік танытқандарыңыз үшін алғыс білдіреміз

Құрметпен, Azan.kz сайтының ұжымы