Сегізінші хадис: Мешітте әйелдер кіретін бөлек есік болуы тиіс

3 452

10 декабря, 15

عن نافع عن ابن عمر - رضي الله عنه - قال: قال رسول الله - صلى الله عليه

.وسلم »:- لو تركنا هذا الباب للنساء، قال نافع: فلم يدخل منه ابن عمر حتى مات
.أخرجه أبو داود

Нәфи`ден, Ибн Омардан (Алла оған разы болсын) риуаят етілген: «Алла Елшісі (оған Алланың игілігі мен сәлемі болсын) былай деді: «Осы есікті әйелдерге қалдырғанымызда ғой». Нәфи` былай деді: «Содан кейін Ибн Омар өле-өлгенше сол есіктен кірген жоқ» (Әбу Дәуд).

«Әун әл-Мә`будтың» авторы былай дейді:

(لو تركنا هذا الباب ( أي باب المسجد الذي أشار النبي صلى الله عليه وسلم
للنساء لكان خيرا وأحسن لئلا تختلط النساء بالرجال في الدخول والخروج من
المسجد . (ص: 100) والحديث فيه دليل أن النساء لا يختلطن في المساجد مع
الرجال بل يعتزلن في جانب المسجد ويصلين هناك بالاقتداء مع الإمام ، فكان عبد
الله بن عمر أشد اتباعا للسنة ، فلم يدخل من الباب الذي جعل للنساء حتى مات

««Осы есікті қалдырғанымызда ғой» – яғни, мешіттің Пайғамбар (оған Алланың игілігі мен сәлемі болсын) «әйелдерге» деп көрсеткен есігін соларға қалдырғанда игі болар еді және мешітке кіріп-шыққанда әйелдердің еркектермен араласпағаны абзал. Бұл хадисте мешітте әйелдер мен еркектердің араласуына рұқсат етілмейтіндігіне дәлел бар. Олар мешітте бөлек жерде болулары керек және намазды имамға ұйып, сол жерде оқулары тиіс. Абдуллаһ ибн Омар Сүннетті орындаудағы күшті құлшынысымен ерекшеленетін, сол себепті, әйелдерге [арналған есік] деп көрсетілген есіктен өмірінің ақырына дейін кірген емес».

Бұл хадисте екі жыныс өкілдерінің аралас-құралас болуына тыйым салынатындығы және мешітте әйелдер кіретін есіктің еркектер кіретін есіктен бөлек болуы керектігі меңзелген. Себебі, әйтпеген жағдайда, ерлер мен әйелдер бір-біріне көз салып қараудың салдарынан Аллаға құлшылық жасаудан алаңдайды.

Ал, егер мешітте жалпыға бірдей дәріс өткізілсе, ерлер мен әйелдер араласпас үшін әйелдерге бөлек орын бөлінуі тиіс.

Сонымен қатар, Ресейдің мешіттері өте аз, кейбір ірі қалаларында кеңінен тарап кеткен жайт жөнінде бірер ауыз сөз айта кеткен жөн. Жұма күндері мешіттерге намазға келгендердің барлығы сыймайды. Бірақ, есесіне, сол мешіттерден әйелдерге даңғарадай бір бөлме бөлінеді. Ол не үшін бөлінеді? Не үшін әйелдер ол жаққа барады? Жұма намазы мойнына парыз болып жүктелген жүздеген адамдар солардың кесірінен намаздарын көшеде оқуға мәжбүр. Ал, күн болса, әрдайым жарқырап тұрмайды. Жұма уағыздарының барлығын көптеген сайттарда онлайн тыңдауға болады. Оның үстіне, кез келген бос жерге жайнамаздарын төсеп үлгеруге асыққан еркектердің арасынан қысылып-қымтырылып өтіп, жұма уағызына барудың қажеті қанша?

Әйелдердің мешітке баруына келер болсақ, бұл мәселені бұдан алдын талдап кеттік.